Օրենքով վերանայվելու է կուսակցությունների ֆինանսավորման կարգը․ Տիգրան Ավինյան

Կառավարության այսօրվա նիստին փոխվարչապետ Տիգրան Ավինյանը նշեց, որ  այս պահին ընթանում են լայնաֆորմատ քննարկումներ «Կուսակցությունների մասին» օրենքի վերաբերյալ։

«Օրենքով վերանայվելու է կուսակցությունների ֆինանսավորման կարգը: Կարծում եմ՝ այն ժամանակներն անցել են, երբ կուսակցական գործունեությունը վատ կամ նեգատիվ երևույթների հետ էր կապվում»,- ասաց նա։

Փոխվարչապետը  նշեց, որ օրենքի փոփոխություններով պետք է խթանենք, որ երիտասարդները ունենան ցանկություն զբաղվել կուսակցական, քաղաքական գործունեությամբ, որովհետև քաղաքական կայունության ու պետականության համար կարևոր է, որ կուսակցությունները կայանան, զարգանան։