Քոչարյանին ազատ արձակելու հայտարարության տակ չեմ ստորագրել. Էրիկը՝ իր համերգի չեղարկման մասին
- irakan lurer
- Jan 9, 2020
- 1 min read
Քոչարյանին ազատ արձակելու հայտարարության տակ չեմ ստորագրել. Էրիկը՝ Լոս Անջելեսում իր համերգի չեղարկման լուրերի մասին:
«Ի՞նչ համերգի մասին է խոսքը, ես համերգ չեմ ունեցել, առաջին անգամ Ձեզանից եմ լսում այս տեղեկության մասին»,- Asekose.am-ի հետ զրույցում այսպես արձագանքեց Էրիկ Կարապետյանը համացանցում երեկվանից շրջանառվող այն լուրերին, ըստ որոնց՝ երգչի համերգը Լոս Անջելեսում չեղյալ է համարվել, հանդիսատեսը որոշել է վերադարձնել գնված տոմսերն այն պատճառով, որ Էրիկ Կարապետյանը նախկին նախագահ Ռոբերտ Քոչարյանին ազատ արձակելու պահանջին տվել էր իր ստորագրությունը:
«Քաղաքականության հետ կապ չունեմ: Ես չեմ ստորագրել և այդ մասին բազմիցս եմ ասել: Ես մարդկանց կոչ եմ անում զգոն լինել, տարանջատել սուտ լուրը ճիշտ լուրից»:
Հիշեցնենք, որ տարեվերջին 60 մշակութային գործիչներ հայտարարություն էին տարածել՝ պահանջելով փոխել Ռոբերտ Քոչարյանի կալանքի խափանման միջոցը և նրան ազատ արձակել:
Նշենք, որ երգիչ Էրիկ Կարապետյանի անունը ևս ներառված էր այդ ցանկում:
Commentaires