...նշանակում է պետությունից և անվտանգությունից ոչինչ չհասկանալ․ Արթուր Վանեցյան
- irakan lurer
- Jan 15, 2020
- 1 min read
ՀՀ ԱԱԾ նախկին տնօրեն Արթուր Վանեցյանը Twitter-ի իր միկրոբլոգում անդրադարձել է տարբեր քաղաքներում ծննդատները փակելու մասին խոսակցություններին։
«Հայաստանի գյուղերի, ավանների ու փոքր քաղաքների ծննդատների զարգացման խնդրին վերաբերվել միայն, այսպես կոչված, արդյունավետության տեսանկյունից, նշանակում է ոչինչ չհասկանալ պետությունից և անվտանգությունից»,-գրել է Վանեցյանը:
Նաև հավելենք, որ Արթուր Վանեցյանը ավելի վաղ հայտնել էր, որ այսուհետ նաև Twitter-ից է օգտվելու իր առաջիկա ծրագրերի ու գործունության ոլորտների վերաբերյալ հանրությանը տեղեկացնելու համար:
Հիշեցնենք, որ այս օրերին խոսվում է տարբեր քաղաքներում ծննդատները փակելու մասին։ Մասնավորապես Մարալիկ քաղաքի ծննդատունը փակելու հարցով բողոքի ակցիաներ էին սկսվել, ակցիաներ էին ընթանում նաև Եղվարդի ծննդատան մոտ:
Tert.am-ի տեղեկություններով՝ Առողջապահության նախարարությունը որոշում է կայացրել փակել ոչ միայն Մարալիկի ծննդատունը, այլև Արագածոտնի մարզի Արագած, Արտենի, Ծաղկահովիտ համայնքների և Տավուշի մարզի Արծվաբերդ համայնքի ծննդատները:
Comentarios