Գերմանիայում կորոնավիրուսի համաճարակ է սկսվում

Գերմանիայի առողջապահության նախարար Յենս Շպանը հայտարարել է, որ երկիրը COVID-19 հիվանդության համաճարակ է սկսվում, հաղորդում է Tagesspiegel թերթը:

Նախարարի խոսքով՝ վերջին ժամանակները չափազանց դժվար է դարձել հետևել, թե իրենց քաղաքացիները որտեղից են վարակվում  SARS-CoV-2 կորոնավիրուսով:

Շպանը պատմել է, որ ներքին գործերի նախարարությունը, Ռոբերտ Կոխի անվան ինֆեկցիոն հիվանդությունների ինստիտուտը և վիրուսով ախտահարված դաշնային հողերի իշխանությունները ճգնաժամային շտաբ են ստեղծել` համաճարակին հակազդելու համար: Նախարարը քաղաքացիներին կոչ է արել խուճապի չմատնվել և հիվանդանոց չգնալ սովորական հազի պատճառով, բայց նրանց, ովքեր վերջին երկու շաբաթվա ընթացքում եղել են վարակված շրջաններում, խորհուրդ է տրվում հետազոտվել և անցնել տնային կարանտինի:

Գերմանիայում վերջին օրերին կորոնավիրուսով վարակման 10 դեպք է հայտնաբերվել։ Բոլոր դեպքերը Բադեն-Վյուրթեմբերգ և Հյուսիսային Ռեյն-Վեստֆալիա դաշնային հողերում են: Վերջին շրջանում մեկուսացրել են մի ամբողջ զորամաս, այն բանից հետո, երբ հիվանդության ախտանշաններն ի հայտ են եկել Իտալիա ուղևորությունից վերադարձած զինծառայողի մոտ:

Վերջին տվյալների համաձայն՝ ընդհանուր առմամբ աշխարհում վարակվել է կորոնավիրուսի նոր տեսակով շուրջ 82,5 հազար մարդ: Նրանցից ավելի քան 2,8 հազարը մահացել է, իսկ ավելի քան 33,2 հազարը ՝ բուժվել ։ Բացի Չինաստանից, որտեղ առաջին անգամ հայտնաբերվել է վիրուսը, COVID-19 հիվանդության դեպքեր են գրանցվել աշխարհի ավելի քան 40 երկրներում: