ԱՄՆ նախագահը համաձայնել Մեծ Բրիտանիայի վարչապետի առաջարկին
- irakan lurer
- Jan 15, 2020
- 1 min read
ԱՄՆ նախագահ Դոնալդ Թրամփը Twitter-ի իր միկրոբլոգում մեկնաբանել է Մեծ Բրիտանիայի վարչապետ Բորիս Ջոնսոնի առաջարկը իրանական միջուկային գործարքը Դոնալդ Թրամփի սեփական համաձայնագրով փոխարինելու վերաբերյալ:
«Մեծ Բրիտանիայի վարչապետ Բորիս Ջոնսոնը հայտարարել է. «Մենք պետք է իրանական գործարքը փոխարինենք Թրամփի գործարքով»: Ես համաձայն եմ»,- գրել է նա:
Մեծ Բրիտանիայի վարչապետ Բորիս Ջոնսոնն ավելի վաղ ԱՄՆ նախագահ Դոնալդ Թրամփին կոչ էր արել իրանական միջուկային գործարքը փոխարինել նրա սեփական նոր համաձայնագրով, որ Իսլամական Հանրապետությունը միջուկային զենք չստանա:
«Եթե մենք պատրաստվում ենք դրանից ազատվել, ապա եկեք այն փոխարինենք Թրամփի գործարքով,- ասել է Ջոնսոնը՝ խոսելով Իրանի միջուկային համաձայնագրի մասին: - Դա գերազանց տարբերակ կլիներ»: «Նախագահ Թրամփն, իր իսկ խոստովանությամբ, հոյակապ բանակցող է: Եկեք միասին աշխատենք ԳՀՀԾ-ն փոխարինելու շուրջ եւ դրա փոխարեն Թրամփի գործարքը կնքենք,- ասել է Ջոնսոնը: - Եթե դուք ազատվեք այդ միջուկային գործարքից, ԳՀՀԾ-ից, դա այն է, ինչը ցանկանում է Թրամփը: Ես ուզում եմ մեր ամերիկացի գործընկերներին ասել, որ... այսպես թե այնպես, դուք պետք է թույլ չտաք իրանցիներին միջուկային զենք ստանալ»:
Հիշեցնենք, որ Մեծ Բրիտանիան, Ֆրանսիան եւ Գերմանիան Իրանին պաշտոնապես մեղադրել են միջուկային գործարքին չհետեւելու մեջ՝ այսպիսով իր պարտավորություններից Թեհրանի հրաժարվելու ֆոնին գործարկելով ԳՀՀԾ իրականացման շրջանակում վեճերի կարգավորման մեխանիզմը:
Commenti