Ադրբեջանին չեն ընդունի ԵՄ, որովհետև մուսուլմանական երկիր է. Ալիև
- irakan lurer
- Dec 24, 2019
- 1 min read
Ադրբեջանի նախագահ Իլհամ Ալիևն ասել է, որ երկրի եվրաինտեգրացիայի հետագա քայլերն արդյունք չեն ունենա: Այս մասին նա պատմել է ադրբեջանական հեռուստաընկերություններին տված հարցազրույցում, որին հղում է անում Ինտերֆաքսը:
«Պետք է հասկանալ, թե ինչ ենք հասկանում եվրաինտեգրացիա ասելով: Կարծում եմ, որ կատարել ենք մեր քայլերը եվրաինտեգրացիայի ուղղությամբ, հետագա քայլերի անհրաժեշտություն չկա եւ դրանք արդյունք չեն տա», – ասել է նա:
«Եթե խոսում ենք եվրաինտեգրացիայի մասին Եվրամիությանն անդամակցելու համատեքստում, ապա դա անհնար է», – նշել է Ալիևը:
Ադրբեջանի նախագահը կարծում է, որ Եվրոպայում ապակենտրոնացման գործընթաց է տեղի ունենում:
Реклама 08
Ադրբեջանի ղեկավարը բերել է Թուրքիայի օրինակը: Նրա խոսքով, Թուրքիային թույլ չեն տալիս անդամակցել Եվրամիությանը, որովհետև մուսուլմանական երկիր է: «Այդ դեպքում կընդունե՞ն Ադրբեջանին: Ոչ», – ասել է Ալիևը:
«Ենթադրենք, ասում են՝ վաղը մտնում եք ԵՄ որոշակի ժամկետում: Մեզ պե՞տք է դա: Մենք տեսնում ենք գործընթացներ, մասնավորապես, կրոնական հիմքի վրա: Դա ընդունելի՞ է մեզ համար: Ոչ: Որոշ դեպքերում այսպես կոչված ընդդիմությունը փողոցներ է դուրս գալիս ԵՄ դրոշներով: Նրանք ցանկանում ենք, որ Ադրբեջանի ճակատագիրը Բրյուսելու՞մ որոշվի: Մեր ճակատագիրը չենք կարող ուրիշի ձեռքը տալ», – ասել է Ալիևը:
Comentários